The Ambassador

رویا رحماني

د امریکا په متحدو ایالتونو کې د افغانستان لویه سفیره

مېرمن رویا رحماني، یوه افغانه ډیپلوماته او په متحده ایالاتو کې د افغانستان لومړۍ ښځینه سفره ده. نوموړې په ارجنټاین ، مکزیکو ، ډومینیکن جمهوریت او کولمبیا کې د افغانستان اسلامي جمهوریت نااستوګن سفیره هم ده. مېرمن رحماني تر دې وړاندې چې د ۲۰۱۸م کال، د ډېسمبر په میاشتې کې د یادو برخو مسؤليت پر غاړه واخلي، په اندونیزیا کې د افغانستان دلومړني ښځينه سفیرې، د سنګاپور لپاره د افغانستان نا استوګن سفیرې او د سویل ختیځې اسیا د ملتونو په ټولنه کې د افغان سفیرې په توګه دنده لرله.

مېرمن رحماني په ۲۰۱۱ م کال کې، د افغانستان د بهرنیو چارو وزارت سره خپله دنده د سیاسي مرستیال د ستر سلاکارې په توګه پیل کړه. نوموړې له ۲۰۱۲څخه تر ۲۰۱۶م کلونو پوري په بهرنیو چارو وزارت کې د سیمه ییزي همکاریو لومړنی عمومي رئیسه وه او په دې موده کې یې مهم د سیمه ییزې همکاریو مهم نوښتونه لکه د اسیا د زړه- د استانبول پروسه پرمخ وړه.

مېرمن رحماني، خپله رسمي دنده په ۲۰۱۱ م کال کې د افغانستان د ښوونې او روزنې په وزارت کې د پلان او پالیسۍ د ستر سلاکارې په توګه پیل کړه. تر هغه مخکې، نوموړې په ملي او نړیواله کچه د راز راز موسساتو او پروګرامونو رهبري او مدیرت پر غاړه لرله.

مېرمن رحماني، له ۲۰۰۴م کال څخه تر ۲۰۰۷ م کال پوري د بشري حقونو د نړیوال دفتر او د ډیموکراټیک پرمختیايي ادارې رئیسه وه.  په ۲۰۰۷م کال کې، نوموړې د بشري حقونو د فعال تر ټولو غوره جایزه د افغانستان د بشري حقونو د خپلواک کمېسیون له خوا ترلاسه کړه.

مېرمن رحماني، د متحده ایالاتو د کولمبیا پوهنتون څخه د عامه ادارې په برخه کې ماسټري د کاناډا د مک ګيل پوهنتون څخه د پوستکالۍ(سافټ ویر) په څانګه کې لیسانس لري. نوموړې د نړۍ په وتلو او مشهورو ورځپاڼو که نیویارک ټایمز، واشنګټن پوسټ او جارګاټاپوسټ کې راڅرګند شویدی. همدا راز د مېرمن رحماني نوم، په ۲۰۱۹م کال کې د ټایمز مجلې د سلو اغیزمنو مېرمنو په نوملړ کې راغې او په ۲۰۱۷م کال کې د اندونیزیا تاټلر له خوا د خلکو د استازي په توګه ونومول شوه.

Scroll to top